《輝伯——屬於4A班的恐怖傳說》 - 4: 選擇(一) 去肥彭舅父房間檢查

4: 選擇(一) 去肥彭舅父房間檢查

「無錯，我想入佢間房度睇吓。」我說。

肥彭臉有難色，「但係我驚畀舅父知道……」

「就算你舅父知道，佢都一定會明白點解我要咁做。」

肥彭想了一想，「好，咁就去睇吓啦，我去拎條鎖匙先。」

我在二樓舅父房門外靜待。

房內傳出熟悉的氣息，是那惡靈！肥彭舅父果然與此事有莫大關係，可惜未有機會他詳談。不過惡靈的氣息很微弱，或許是肥彭舅父多年跟那惡靈糾纏，以致沾上不少它的氣息。

「我嚟啦。」肥彭拿著一串鑰匙。

「咁你快啲開門。」

「好⋯⋯」肥彭把鑰匙插入匙洞，順時針轉了一圈，咔嚓一聲門鎖打開。

肥彭推開房門，陰寒之氣纏腳而上，是濃郁的靈界氣息。

「呼⋯⋯入去。」我說。

房不算大，也不算小，除了可以放下一張King Size 床外，還可以多放兩個書櫃加一張電腦桌。房內裝潢簡約，不過牆上卻貼滿了很多剪報和畫了特殊符號的字條。

我走過去仔細查看牆上剪報。

「赤柱某中學化糞池發現死屍，校工被電線纏繞放於尼龍袋內⋯⋯係關於輝伯嘅新聞。」我說。

「過嚟睇吓！」

我跑過去，肥彭指著一張紙，紙上寫有好幾個人名，當中包括輝伯和梁叔的名字。

輝伯名字上打了個紅色交叉，除他以外還有幾個人都打上了交叉，梁叔是其中之一。

「唔會掛⋯⋯」我低聲說。

「咩事？」肥彭問道。

「交叉即係⋯⋯死咗？」

「啲交叉係代表死咗？」

ns216.73.216.241da2