樂仔少傳第三部

遠處一聲大喊：「喂～」

只見同班同學吳鳳輝、莫少融、王子得、馬影康行了過來。

吳鳳輝道：「樂仔、正方，你哋也來打籃球嗎？」

方子正笑著道：「這個當然啦，哈哈哈哈哈～」

我道：「我不是太識打籃球……」

王子得取笑我，道：「那就是啦，踼足球你就在行啫，打籃球嗎？！你就無謂獻醜了。」

我瞪眼怒啤著王子得，想出口反駁，但方子正已經立即替我反駁，道：「肥仔得，講乜野呀，你家陣好勁咩？」

王子得道：「勁～起碼勁過佢先啦。」

方子正大叫道：「說什麼呀你，撩交打嗎？！」

王子得扮到很害怕的樣子，道：「哎呀～好驚呀，夠膽咪來囉。」

向日華立即阻止方子正衝上前，對著王子得道：「大家都是同班同學，有必要串到咁盡嗎？」

王子得道：「我那裡有串佢呀，講下唔得咩，係唔係唔講得先。」

吳鳳輝也上來勸，道：「又唔係真的比賽，只是大家玩下啫。」

王子得道：「咁咪一齊玩下囉。」

於是我哋分開兩組，我、方子正、向日華、陳劍豪一組，吳鳳輝、王子得、馬影康、莫少融一組。

吳鳳輝跟向日華猜包剪揼，向日華猜贏咗，先開球。

向日華拿著籃球走過來跟我道：「樂仔，你為我哋殿後吧。」

我點了點頭，道：「好的。」

向日華把球傳給陳劍豪，兩方互相搶球、射籃，而我就只會周圍走，間唔中幫他們傳傳球。

打左半個鐘，方子正衝向籃球架跳起射球，球差不多進籃時，可惜被吳鳳輝衝前跳起把球大力拍出。

彈向半場後的我，我把球接好，準備想傳給隊友，只見方子正、向日華、陳劍豪分別都被吳鳳輝、馬影康、莫少融強行阻擋，不給我有傳球的機會。

這時王子得就衝向我那邊想搶球，我什麼都不理就大力跳起，雙手把球射向球籃。

「嘭～」我在半空被王子得撞到，落地時腳不穏，跌在地上。

就在這時，同班同學魏海英、徐小靜、王家惠、王希兒跟她的男友高志軒剛巧經過籃球場，也看到這驚人的一幕，球以拋物線穿針入籃。

當場所有人都呆晒，連我也不敢相信地想：「這是夢嗎？咁好彩。」

突然有一連串拍掌聲打破了這呆局，只見高志軒大叫道：「精彩呀，呢一球。」

大家從發呆中醒過來，方子正跑過來扶我起身，「吔～」了一聲，我感覺左腳好痛。

方子正問：「做乜事呀？」

我搭著方子正的膊頭，用右腳支撐著身體，左腳離地少許，道：「我隻左腳扭到。」

王子得落井下石地道：「身體真係差，這麼容易就扭傷。」

方子正大叫道：「肥仔得，你撞人落地，都唔講句對唔住，仲係度話人，有無攪錯呀。」

王子得道：「打籃球總會有碰撞的啦，怪就怪佢唔小心啦。」

吳鳳輝走過來對著王子得道：「不論樂仔係唔係唔小心，但你撞到佢就係唔啱。」

王子得皺著眉頭，道：「好啦，好啦，對唔住囉，撞跌你。」

我說：「算啦，我坐陣就無事了。」

－（待續）－

＊＊＊＊＊＊＊＊＊＊＊＊＊＊＊＊＊＊＊＊

編作～少見

ns52.15.66.233da2